У Магілёве нецвярозыя мужчыны зладзілі дуэль на “шпагах”

У Магілёве двое нецвярозых мужчын зладзілі дуэль на “шпагах”. Замест высакароднай фехтавальнай зброі яны скарысталі ражок для абутку і дэкаратыўны кіёк з убудаваным клінком. Адзін з дуэлянтаў нанес саперніку цяжкія цялесныя пашкоджанні гэтым клінком.

Пацярпелы шпіталізаваны. Заведзеная крымінальная справа, паведамляе Следчы камітэт у сваім тэлеграм-канале.