Смяротнае ДТЗ на вуліцы Казінца ў Мінску: легкавік сутыкнуўся з трактарам

9 траўня ў 23:27 відавочцы паведамілі мінскім ратавальнікам пра ДТЗ на вуліцы Казінца. Там сутыкнуліся легкавы аўтамабіль "Кіа Оптыма" і трактар "МТЗ-82".

Пры аварыі 37-гадовы кіроўца легкавіка апынуўся заціснутым, а 33 гадовы пасажыр загінуў. 

30-гадовы кіроўца трактара выйшаў з кабіны самастойна. Яго даставілі ў лякарню з дыягназам чэрапна-мазгавая траўма лёгкай ступені, удар грудной клеткі. Ратавальнікі дэблакавалі кіроўцу легкавіка: яго шпіталізавалі з дыягназам адкрытая чэрапна-мазгавая траўма цяжкай ступені, закрытая траўма жывата.

Разглядам інцыдэнта займаецца ДАІ і Следчы камітэт.