У ноч на 8 траўня ў Беларусі прагназуюцца замаразкі

Замаразкі чакаюцца ў Беларусі ў ноч на 8 траўня. Як інфармуе Белгідрамет, тэмпература паветра месцамі апусціцца да 0...-3 градусаў.

Надвор'е будзе воблачнае з праясненнямі, пераважна без ападкаў. Толькі па ўсходзе краіны часам пройдуць дажджы, магчымыя навальніцы. Вецер чакаецца паўночны, паўночна-заходні ўмераны, у асобных раёнах парывісты.

Уначы прагназуецца 1-7 вышэй за нуль, месцамі — 0...-3. Удзень слупок тэрмометра падымецца да 11-17 вышэй за нуль, па ўсходзе Беларусі чакаецца 10 градусаў цяпла.