На Мазырскім НПЗ адбылося ўзгаранне

На Мазырскім нафтаперапрацоўчым заводзе адбылося ўзгаранне. Паводле інфармацыі, змешчанай на сайце МНС, паведамленне пра інцыдэнт паступіла на аператыўную лінію сёння ў 5:45.

Загарэўся вакуумны газойль на адзнацы 15 метраў вонкавай калоны №351 секцыі 300/1 устаноўкі ЛК-1.

Узгаранне аператыўна ліквідавалі. Пацярпелых няма, тэхналагічны працэс не парушаны.