У Кобрыне з акна 5-га паверха разам з маскітнай сеткай упаў двухгадовы хлопчык

У Кобрыне з акна разам з маскітнай сеткай упаў двухгадовы хлопчык (па здымку можна зрабіць выснову, што з пятага паверха). Ён сам адчыніў акно і націснуў на сетку. Маці ў гэты момант знаходзілася на кухні, інфармуе ў Telegram прэс-служба Следчага камітэта.

Здарэнне адбылося ўдзень 29 красавіка. Дзіця атрымала цялесныя пашкоджанні, яно шпіталізаванае. Стан хлопчыка ацэньваецца, як цяжкі.

Сілавікі раяць бацькам дзяцей прымаць захады, каб зрабіць немагчымымі падобныя выпадкі.