У Мінску матацыкліст трапіў пад бетонамяшалку

У Мінску матацыкліст трапіў пад бетонамяшалку. Як інфармуе TUT.by, ДТЗ адбылося ўвечары ў пятніцу на з'ездзе з праспекта Жукава на Чыгуначную вуліцу. Грузавік паварочваў на аўтазапраўку, а Honda ехала ў прамым сустрэчным накірунку. Кіроўца бятонамяшалкі кажа, што не бачыў матацыкла. Ён спыніўся, калі пачуў удар.

Паводле папярэдняй інфармацыі, у 31-гадовага байкера сур'ёзныя траўмы, ён у рэанімацыі.