Аўтобуснага эксгібіцыяніста шукаюць у Мінску
minsk.mvd.gov.by
21 красавіка ў аператыўна-дзяжурную службу Фрунзенскага РУУС Мінска завярнулася дзяўчына, паведамляе прэс-служба ГУУС МІінгарвыканкама. Яна распавяла, што ў грамадскім транспарце невядомы мужчына дэманстраваў пасажырам свае палавыя органы.
Дзяўчына затэлефанавала ў міліцыю, калі парушальнік паспеў ужо выбегчы з аўтобуса. Паведамляецца, што выйшаў ён на прыпынку на вуліцы Шаранговіча.
Прыкметы мужчыны: на выгляд 50-55 гадоў, рост каля 170-175 см, хударлявага целаскладу, валасы з сівізной, мае лобныя залысіны.
Быў апрануты: куртка з сіняй тканіны на маланцы, сіняя байка з белай акантоўкай каўняра. На твары ёсць вусы, носіць акуляры.
Тых, хто ведае пра месцазнаходжанне мужчыны, якога шукае міліцыя, просяць звярнуцца ў Фрунзенскае РУУС асабіста альбо па тэлефонах +375 29 171-51-57, +375 29 770-47-87 альбо 102.