У расіян, якія ехалі ў Італію, у Брэсце мытнікі знайшлі лішнія 26 тысяч еўра

У расіян, мужа і жонкі, якія на цягніку "Масква — Ніца" ехалі ў Італію, у Брэсце беларускія мытнікі знайшлі лішнія 26 тысяч еўра. Яны заявілі, што маюць на дваіх толькі 16 тысяч еўра, 1000 фунтаў стэрлінгаў, 41 тысячу расійскіх рублёў. Мытнікі вырашылі агледзець іх багаж і ў чамадане знайшлі яшчэ тысячы еўра. Паколькі агульная сума перавышала дазволеную для правозу без дэкларавання, то знойдзеныя грошы забралі да рашэння суда. На расіян склалі пратаколы аб адміністрацыйным правапарушэнні, інфармуе прэс-служба Брэсцкай мытні.