Сваю сустрэчу старшыня раённага Савета дэпутатаў Аляксандр Шкадаў з работнікамі Турэцкай амбулаторыі ўрача агульнай практыкі пачаў з добрай навіны: у Карэліцкай цэнтральнай раённай бальніцы адкрыта аддзяленне гемадыялізу, і зараз пацыенты Карэліцкага, Навагрудскага, Дзятлаўскага раёнаў змогуць карыстацца яго паслугамі.
У сваёй прамове Аляксандр Шкадаў таксама закрануў пытанні правядзення пасяўной кампаніі, дэмаграфічнай сітуацыі, занятасці насельніцтва, развіцця сацыяльнай сферы раёна.
Загадчык Турэцкай АУАП Іван Паўлючык адзначыў, што ў сельскай медыцынскай установе створаны неабходныя ўмовы для аказвання паслуг сельскаму насельніцтву.
Падчас правядзення сустрэчы былі абмеркаваны пытанні сацыяльна-бытавога характару. Прысутных цікавіла пытанне абсталявання месца для стаянкі аўтамабіляў ля сельскай медыцынскай установы.
На сустрэчы таксама прысутнічаў старшыня Турэцкага сельвыканкама Сяргей Барычэўскі.
Галіна СМАЛЯНКА.