Мабільная група райвыканкама пабывала ў дзвюх гаспадарках

Источник материала:

05.04.2019 — Разное

Для працаўнікоў сельскай гаспадаркі настала гарачая пара – пасля пацяплення распачаліся вясенне-палявыя работы. Як падрыхтаваліся да іх гаспадаркі? Ці выконваюцца патрабаванні заканадаўства па ахове працы? Гэтыя і іншыя пытанні цікавяць мабільную групу райвыканкама, у склад якой уваходзяць прадстаўнікі ўпраўлення па працы, занятасці і сацыяльнай абароне раённага выканаўчага камітэта, міжраённага аддзела дзяржаўнай інспекцыі працы, прафсаюза работнікаў аграпрамысловага комплексу, аддзела ДАІ РАУС, упраўлення сельскай гаспадаркі і харчавання, занальнага цэнтра гігіены і эпідэміялогіі, міжраённага аддзела энерганагляду і райаддзела па надзвычайных сітуацыях. Таму згодна з графікам мабільная група наведвае палеткі, збожжасховішчы, мехдвары, выяўляе парушэнні, патрабуе іх ухілення.

У чарговы раз прадстаўнікі мабільнай групы пабывалі ў дзвюх гаспадарках – КСУП “АграСолы” і ВКУП “ Саўгас”Смаргонскі”, дзе праверылі выкананне работ пасяўным агрэгатам, наяўнасць у работнікаў сродкаў індывідуальнай аховы, агледзелі трактар з раскідвальнікам мінеральных угаенняў, тэрыторыі мехдвароў, складоў, праверылі дакументацыю.