У Віцебску з-за тэлефанавання пра бомбу з крамы эвакуявалі 63 чалавек

У Віцебску з-за тэлефанавання пра бомбу з крамы на Маскоўскім праспекце эвакуявалі 63 чалавек. Здарэнне адбылося ў чацвер пасля 16-й гадзіны. На месца тэрмінова выехалі міліцыянеры, ратавальнікі і медыкі. Прылеглую тэрыторыю ачапілі. Сапёры праверылі будынак і наваколле, аднак нічога падазронага не знайшлі. Праз 40 хвілін крама аднавіла працу, інфармуе прэс-служба міліцыі Віцебскай вобласці.

Вядома, што тэлефанаваў на спецлінію 102 мужчына. Яго шукаюць.