Інфармацыйна-прапагандысцкая група наведала Смаргонскую цэнтральную раённую бібліятэку
21.03.2019
—
Разное
У Беларусі кожны трэці чацвер традыцыйна праходзіць адзіны дзень інфармавання насельніцтва. У гэты дзень інфармацыйна-прапагандысцкія групы выступаюць перад жыхарамі населеных пунктаў, працоўнымі калектывамі прадпрыемстваў і арганізацый па загадзя запланаваных тэмах, расказваюць людзям аб сітуацыі, якая складваецца ў прамысловасці, будаўніцтве, жыллёва-камунальнай гаспадарцы і г. д.
21 сакавіка інфармацыйна-прапагандысцкая група райвыканкама, якую ўзначальвае намеснік старшыні раённага выканаўчага камітэта Аляксандр Бажыдай, сустрэлася з бібліятэкарамі горада ў будынку цэнтральнай раённай бібліятэкі.
Аб асноўным законе – Канстытуцыі Рэспублікі Беларусь – расказала начальнік аддзела ідэалогіі і па справах моладзі райвыканкама Ганна Джумкова. Намеснік старшыні райвыканкама Аляксандр Бажыдай паведаміў аб тым, як развіваецца будаўнічая галіна раёна Старшы оперупаўнаважаны групы наркакантролю райаддзела міліцыі Юрый Дземеш паведаміў аб мерах па супрацьдзеянні незаконнаму абароту наркотыкаў.
Юрый ЯНУШКЕВІЧ.
Фота аўтара.