Аўтавакзал у Берасці будзе гучаць па-беларуску

Кіраўніцтва аўтавакзала плануе зрабіць агучванне адпраўлення і прыбыцця транспарту на беларускай мове. Рэйсы, якія накіроўваюцца ў замежныя гарады, будуць дадаткова агучвацца на ангельскай мове, распавяла АРР «Дзедзiч» Дар’я Намятава, каардынатар ініцыятывы «Аўтавакзал па-беларуску».

Фото: Вечерний Брест

Iніцыятыву аб беларусізацыі «сэрца» міжгародніх і міжнародных перавозак падтрымаў і старшыня Берасцейскага гарвыканкама Аляксандр Рагачук, паведаміў начальнік аддзела арганізацыі перавозак ААТ «Брэстаблаўтатранс» Барыс Калінін.

12 сакавіка ў офісе АРР «Дзедзіч» адбылася сустрэча ініцыятараў кампаніі «Аўтавакзал па-беларуску» з кіраўніцтвам аўтавакзала і прадстаўнікамі «Брэстаблаўтатрансу», на якой стала вядома, што ўнутранае і знешняя афармленне новага аўтавакзала будзе прадстаўлена на беларускай мовез дубляваннем на ангельскую.