Дзесяць школьнікаў атрымалі свае першыя пашпарты ў Камянецкай вежы

15 сакавіка, у дзень 25-годдзя Канстытуцыі Рэспублікі Беларусь і інстытута прэзідэнцтва, шасцёра хлопцаў і чацвёра дзяўчат сталі паўнапраўнымі грамадзянамі Рэспублікі Беларусь, атрымаўшы першыя ў сваім жыцці пашпарты.

Ягор Іванюковіч, Ілья Марчук і Настасся Іванова з СШ №1 Каменца, Кірыл Трашчалін, Дар’я Муц і Дар’я Гайдучык з СШ №2, Ангеліна Шамчук з Пелішчанскай СШ, Станіслаў Бакуновіч і Дзмітрый Грыцук з Раснянскай СШ, Аляксандр Навасадаў з Белавежскай СШ атрымалі знаёмыя кожнаму сінія кніжачкі з гербам на вокладцы, асобныя экземпляры Канстытуцыі нашай краіны і падарункі з рук старшыні райвыканкама Валянціна Зайчука.