Пад Столінам ля станцыі Бухлічы згарэў цеплавоз

Пад Столінам згарэў цеплавоз. Як паведамляе Брэсцкае абласное ўпраўленне МНС, здарэнне адбылося 16 сакавіка каля 16:00 у 2 км ад станцыі Бухлічы. Загарэўся маторны адсек унутры цеплавоза, двое машыністаў самастойна збілі агонь з дапамогай вогнетушыльнікаў і пакінулі транспарт.

Таксама машыністы адчапілі цеплавоз, які загарэўся, а вагоны адбуксавалі другім цеплавозам саставу на бяспечную адлегласць.

У выніку ўзгарання пашкоджаны рухавік, электраабсталяванне, электраправодка галаўнога цеплавоза. Пацярпелых няма, груз таксама не пашкоджаны.

Прычыны ўзгарання высвятляе Следчы камітэт.