Ва ўрачыстай абстаноўцы на сцэне раёнага Дома культуры Алег Лындзін, старшыня Дубровенскага райвыканкама, ўручыў сямі юным дубровенцам, якім споўнілася 14 гадоў, галоўны дакумент грамадзяніна краіны — пашпарт.
Усе яны — выдатнікі вучобы, пастаянныя ўдзельнікі культурна-масавых мерапрыемстваў, навукова-практычных канферэнцый, пераможцы і прызёры рэспубліканскіх спаборніцтваў, конкурсаў, алімпіяд.
Павіншавалі маладых грамадзян краіны з Днём Канстытуцыі і ўручылі ім першыя пашпарты старшыня райвыканкама Алег Лындзін і вядучы спецыяліст групы па грамадзянству і міграцыі Аляксандр Старавойтаў.
Анастасія Самуйлава, Хрысціна Тараненка, Дзяніс Варанкоў, Сяргей Шумінскі, Анжаліка Куляшова, Юлія Набойшчыкава, Аліна Іванова 15 сакавіка з пашпартамі і Канстытуцыяй у руках, з гонарам у сэрцы адчулі сябе зусім дарослымі.
А яшчэ ў Дзень Канстытуцыі многія хлопчыкі і дзяўчынкі па ўсёй краіне атрымалі членскія білеты самай масавай маладзёжнай арганізацыі краіны — Беларускага рэспубліканскага саюза моладзі.
