У Смаргоні прайшоў чарговы савет дырэктараў
На парадак дня былі вынесены некалькі пытанняў. Адно з іх – аб стане захворваемасці і часовай страце працаздольнасці на прадпрыемствах і ў арганізацыях раёна. З інфармацыяй выступіў намеснік галоўнага ўрача цэнтральнай раённай бальніцы Іван Кардзіс.
Ён расказаў аб тым, у якіх суб’ектах гаспадарання найбольш хварэюць работнікі, назваў найбольш верагодныя прычыны захворванняў. Яны, як правіла, узнікаюць з-за неналежнай арганізацыі працоўных месцаў, наяўнасці шкодных умоў, выканання цяжкіх работ працаўнікамі насуперак медыцынскім паказанням і г. д. Кіраўнікам было прапанавана прыняць шэраг мер па паляпшэнні сітуацыі з захворваннямі на вытворчасці. У прыватнасці, правесці для гэтага пераатэстацыю працоўных месцаў, своечасова накіроўваць работнікаў на медыцынскае абследаванне.
Начальнік аддзела эканомікі райвыканкама Ірына Галдыцкая паведаміла аб чакаемым выкананні ключавых паказчыкаў эфектыўнасці работы і заданняў камунальнымі прадпрыемствамі раённага падпарадкавання за студзень-сакавік 2019 года, звярнула ўвагу кіраўнікоў на тое, як выконваюцца паказчыкі бізнес-планаў развіцця арганізацый раёна за названы вышэй перыяд.
Аб выкананні задання па павелічэнні намінальнай сярэднямесячнай заработнай платы за студзень, студзень-люты і студзень-сакавік расказала начальнік упраўлення па працы, занятасці і сацыяльнай абароне райвыканкама Зоя Крачкоўская.
Юрый ЯНУШКЕВІЧ.
Фота аўтара.