Пад Камянцом аўтамабіль урэзаўся ў прыпынак (фота)

У Камянецкім раёне ўвечары 4 сакавіка здарылася аўтааварыя. Інцыдэнт адбыўся каля 17:40, удакладняе gaibrest.by.

Кіроўца "Аўдзі А6" ехаў па аўтадарозе Р-98 ад горада Высокага да вёскі Дзмітравічы. На 33 кіламетры на закругленні дарогі ён не справіўся з кіраваннем, з'ехаў у правы па ходзе руху кювет і ўрэзаўся ў прыпынак грамадскага транспарту "Цярэсіны".

Пасажыраў аўто, пацярпелых у ДТЗ, шпіталізавалі ў раённую лякарню. 

Паведамляецца, што на момант ДТЗ усе пасажыры і кіроўца аўтамабіля былі прышпіленыя рамянямі бяспекі. Па факце аварыі праводзіцца праверка.