У панядзелак прагназуюць да +13 на паўднёвым захадзе
03.03.2019 14:29
—
Разное
![У панядзелак прагназуюць да +13 на паўднёвым захадзе](http://www.21.by/pub/news/2019/03/1551614200942510.jpg)
Ілюстратыўнае фота з адкрытых крыніцаў
У бліжэйшыя суткі, 4 сакавіка, у Беларусі чакаецца пераважна хмарнае надвор’е. Удзень часам пройдзе дождж, на паўночным усходзе — мокры снег. Уначы і раніцай у асобных раёнах прагназуецца слабы туман, на дарогах галалёдзіца.
Вецер будзе паўднёва-заходні ўмеркаваны да парывістага.
Тэмпература паветра ўначы складзе ад мінус 1 да плюс 5, удзень будзе 3-6 вышэй за нуль, а на паўднёвым захадзе сіноптыкі прагназуюць вельмі цёплае надвор’е — да +13, перадае БЕЛТА са спасылкай на Белгідрамет.