Мсціслаўскі пенсіянер забіў жонку палкай

Мсціслаўскі райаддзел Следчага камітэта пачаў крымінальную справу на 80-гадовага мясцовага жыхара. Мужчыну падазраюць у забойстве заведама састарэлай жонкі, паведамляе прэс-служба ведамства.

Трагедыя адбылася ўвечары 18 лютага. Мужчына і яго 82-гадовая жонка пасварыліся з-за рэўнасці. Падчас сваркі п'яны пенсіянер збіў жанчыну рукамі і палкай. Ад атрыманых траўмаў яна памерла на месцы здарэння.

Мужчына затрыманы.