Два грузавікі сутыкнуліся пад Слуцкам

Дапамога ратавальнікаў спатрэбілася пры ДТЗ, якое адбылося зранку 6 лютага каля вёскі Гацук Слуцкага раёна, паведамляе прэс-служба МНС.

Выклік ратавальнікам паступіў у 7:12 раніцы: неабходна было дэблакаваць пацярпелага ў аварыі.

На месцы здарэння выявілася, што сутыкнуліся два грузавікі — "ГАЗ-3309" і "Мерсэдэс 1317". Ратавальнікі дэблакавалі кіроўцу "Мерсэдэса" з дапамогай спецыяльнага інструменту і перадалі яго медыкам. Пасля агляду мужчыну шпіталізавалі ў раённую лякарню з траўмамі рознай ступені цяжкасці. 

Кіроўца "ГАЗ" і пасажыр "Мерсэдэса" пры ДТЗ не пацярпелі.