Падчас пажару на французскім курорце Куршавэль загінулі два чалавекі

У Францыі падчас моцнага пажару на элітным гарналыжным курорце Куршавэль загінулі два чалавекі, яшчэ чацвёра атрымалі сур’ёзныя пашкоджанні. Агулам пацярпелі каля 20 чалавек.

Пажар распачаўся раніцай у нядзелю, у будынку, дзе жывуць сезонныя рабочыя. Пазней полымя перакінулася на яшчэ два будынкі, паведамляе ВВС.

На месца здарэння выехала 70 пажарных. Прычына здарэння пакуль не вядомая. Паводле відавочцаў здарэння, людзі скокалі з вокнаў, каб уратавацца.