У Наваполацку затрымалі буйнога наркагандляра, які ўцёк з Расіі

У Наваполацку затрымалі буйнога наркагандляра, які ўцёк з Расіі. Як інфармуе прэс-служба УУС Віцебскага аблвыканкама, праваахоўнікі правялі аперацыю ўдзень 14 студзеня. На тэрыторыі Беларусі 25-гадовы расіянін знаходзіўся на нелегальным становішчы, жыў на здымнай кватэры.

Вядома, што ў міжнародны вышук мужчыну аб'явіла ўпраўленне МУС РФ па Архангельскай вобласці. На радзіме ён арганізаваў праз інтэрнэт продаж наркотыкаў "у асабліва буйным памеры". У красавіку 2017 года наркагандляр уцёк і ад таго часу яго шукалі.