У Ляхавіцкім раёне п'яны грузчык скраў два мікрааўтобусы і спаліў іх
Здымак з архіву.
У Ляхавіцкім раёне п'яны грузчык скраў два мікрааўтобусы і спаліў іх. Як інфармуе "Беларусь сегодня", здарэнне адбылося напярэдадні Новага года. Спачатку ў міліцыю звярнуліся індывідуальны прадпрымальнік і беспрацоўны жыхар вёскі Задвор'е, паведамілі, што ў іх скралі мікрааўтобусы. Неўзабаве транспартныя сродкі знайшлі, але спаленымі.
Міліцыя разблытала гэтую справу і затрымала падазраванага. Ім аказаўся 22-гадовы мужчына, жыхар раённага цэнтра. Ён прызнаўся, што быў у стане алкагольнага ап'янення. Калі ўбачыў ключ у замку запальвання мікрааўтобуса, ён вырашыў паехаць на ім у бок вёскі Пятухоўшчына. Але транспартны сродак раптоўна загарэўся — з-за кароткага замыкання электраправодкі. Праз гадзіну ў вёсцы Задвор'е грузчык пабачыў іншы мікрааўтобус і вырашыў паездзіць на ім, а пасля падпаліў. Распачатая крымінальная справа.