У бліжэйшыя дні жыхароў Нясвіжскага раёна чакае зімовае надвор’е: мароз стане большы, чакаюцца невялікія ападкі ў выглядзе снегу, месцамі магчымы туман.
Сёння, 18 снежня, будзе воблачна без праясненняў, на працягу дня — невялікі снег, увечары — туман і пагаршэнне бачнасці на дарогах. Будзьце пільнымі! Паўднёвы вецер неістотны — 1 — 3 метры за секунду. Удзень — -5…-4 °С, уначы — -7…-6 °С.
У сераду, 19 снежня, мароз узмоцніцца: дзённая тэмпература — 6…5 градусаў ніжэй за нуль, ноччу — -10…-8 °С. На працягу дня, па дадзеных спецыялістаў, — воблачна з праясненнямі, раніцай і ўвечары — туман, паўднёва-ўсходні вецер — 3 — 5 м/с. Ападкаў не прагназуецца.
Невялікі снег магчымы ў чацвер, 20 снежня, на дарозе — галаледзіца. Вецер паўднёва-ўсходняга напрамку складзе 5 — 7 м/с. Тэмпература на дзень — 9…7 градусаў са знакам “-”, уначы — -7…-5 °С.
У пятніцу, 21 снежня, ападкі ўзмоцняцца: увечары чакаецца снег, мяцеліца. Паўднёвы вецер — 4 — 6 м/с. Удзень — -5…-4 °С, ноччу — -2 °С.
Па папярэдніх дадзеных метэаролагаў — варта чакаць змяненняў у надвор’і на выхадныя. Аб гэтым — у наступным матэрыяле.
“НН”.