На брэсцкім заводзе ў смецці знайшлі скрынку з надпісам "Тратыл"

60 чалавек былі эвакуяваныя з Брэсцкага смеццеперапрацоўчага завода 29 лістапада, паведамляе прэс-служба УУС Брэсцкага аблвыканкама.

У 17:34 у міліцыю затэлефанаваў майстар прадпрыемства і паведаміў, што пры разборы смецця рабочыя знайшлі невялікую папяровую скрынку, на якой скотчам прыклеены кавалак паперы з надпісам "Тратыл-400". 

На месца неадкладна выехалі супрацоўнікі міліцыі, МНС, медыкі і сапёры вайсковай часці 5526.

На шчасце, спецыялісты не знайшлі выбухованебяспечныя прадметы ў скрыні. Замест тратылу там быў проста драўляны брусок.