ДТЗ у Кіраўскім раёне: кіроўца загінуў, пасажырка ў бальніцы

Увечары 1 лістапада ў Кіраўскім раёне Магілёўскай вобласці сутыкнуліся мікрааўтобус "Мерсэдэс Спрынтар" і фура "Мерсэдэс Актрас". Смяротнае ДТЗ адбылося на аўтадарозе Кіраўск — Бабруйск. Ратавальнікі, якія прыбылі на на месца трагедыі, дасталі з мікрааўтобуса цела кіроўцы 1966 года нараджэння. Пасажырку 1973 года нараджэння шпіталізавалі.

Як паведамілі ў МУС, фурай кіраваў жыхар Магілёва, які выехаў на сустрэчную паласу. Загінулы кіроўца раней жыў у вёсцы Альшаны Столінскага раёна.

Абставіны і прычыны ДТЗ высвятляе ДАІ Кіраўскага РАУС.