Мінчанка некалькі разоў ударыла знаёмага нажом і сама выклікала міліцыю

На нумар 102 звярнулася мінчанка, якая паведаміла, што параніла кухонным нажом свайго знаёмага, паведамляе прэс-служба ГУУС Мінгарвыканкама. 

На месца здарэння выехалі міліцыя і медыкі. Выявілася, што 47-гадовая жанчына выпівала са сваім 51-гадовым знаёмым. Паміж імі пачаўся канфлікт, падчас якога жанчына ўзяла нож і стала біць ім мужчыну. Ён атрымаў тры пранікальныя колата-рэзаныя раненні грудной клеткі і жывата.

Пацярпелага шпіталізавалі ў 10-ю лякарню. На жанчыну завялі крымінальную справу па двух артыкулах: замах на забойства і забойства. Ёй пагражае да 15 гадоў пазбаўлення волі.