У Бараўлянах пацыент бальніцы, не дачакаўшыся доктара, скраў апарат ЭКГ
Фота: primgazeta.ru
Брыгада хуткай медыцынскай дапамогі даставіла 36-гадовага мужчыну ў бальніцу ў Бараўлянах. Медработнікі правялі яго ў аглядальны пакой. Там ён павінен быў дачакацца доктара, але, пакуль нікога не было, забраў апарат ЭКГ і, прыхапіўшы прыбор, сышоў з установы аховы здароўя. Паведамленне аб тым, што здарылася, паступіла ў аператыўна-дзяжурную службу Бараўлянскага аддзела міліцыі Мінскага РУУС.
Выкрадальніка знайшлі, паведамляе uvd-mo.gov.by. Ім аказаўся жыхар Мінскага раёна. Цяпер ён знаходзіцца ў ізалятары часовага ўтрымання. Скрадзеная маёмасць была канфіскаваная. Кошт апарата — больш за 4 тысячы рублёў. За крадзеж у дачыненні да пацыента-выкрадальніка ўзбуджана крымінальная справа па частцы 1 артыкула 205 КК. Яму пагражае пазбаўленне волі да 3 гадоў.