У Гомелі аўтамабіль ДАІ трапіў у ДТЗ, шпіталізаваныя два інспектары
Фота: vk.com/gomelchp
У Гомелі аўтамабіль ДАІ трапіў у ДТЗ, шпіталізаваныя два інспектары. Як інфармуе прэс-служба гомельскай міліцыі, здарэнне адбылося ў сераду ў 15:50. На спецлінію 102 паведамілі пра дарожна-транспартнае здарэнне на скрыжаванні Міжгародняй і Лазурнай вуліц. Праз нейкі час кіроўца аўтамабіля, які пацярпеў у аварыі, паведаміў, што іншы кіроўца-удзельнік ДТЗ спрабуе з'ехаць. Пры гэтым ён знаходзіцца ў стане алкагольнага ап'янення.
Даішнікі хацелі затрымаць п'янага кіроўцу і, уключыўшы пробліскавыя маячкі, выехалі на паласу сустрэчнага руху. Кіроўцы прапускалі службовы аўтамабіль. Аднак на скрыжаванні Аб'язной і Лазурнай вуліц машына даішнікаў сутыкнулася з "БМВ", пасля чаго яе адкінула на слуп, а потым — на абочыну. Калі супрацоўнікі ДАІ атрымалі траўмы і мелі патрэбу ў шпіталізацыі, дык кіроўца і пасажыры "БМВ" не атрымалі сур'ёзных пашкоджанняў. Фотаздымкі з месца здарэння з'явіліся ў сацсетках.
Ужо вядомы аўтамабіль, які з'ехаў з месца ДТЗ, ідзе пошук яго кіроўцы.