На тэрыторыі раёна, як і рэспублікі, метэаролагі абяцаюць цёплае навор’е, без ападкаў і істотнага ветру, але магчымы туманы.
Сёння, 9 кастрычніка, удзень прагназуецца +10…+13 °С, уначы — 3…5 градусаў вышэй за нуль. Будзе малавоблачна і без дажджу, паўднёва-заходні вецер — 3 — 5 метраў за секунду.
У сераду, 10 кастрычніка, уначы і раніцай магчымы туман, пагаршэнне бачнасці на дарогах. Будзьце уважлівымі! Спецыялісты абяцаюць яснае надвор’е, паўднёва-заходні вецер да 5 м/с і дзённую тэмпературу да +17 °С, ноччу — не больш за 6 градусаў цяпла.
Не прадбачыцца ападкаў на Нясвіжчыне і ў чацвер, 11 кастрычніка. Праўда, зноў мачымы ранішні туман і дрэнная бачнасць. Удзень паветра прагрэецца да +14…+18 °С, уначы — +8…+9 °С, вецер неістотны.
У пятніцу, 12 кастрычніка, магчымы невялікія ападкі. Тэмпература ўдзень — +14…+17 °С, ноччу — да 8 градусаў са знакам “+”.
Пра надвор’е на выхадныя мы паведамім вам у наступным нумары газеты.
“НН”.