Інфармацыйна-прапагандысцкая група – на Смаргонскім вузле электрасувязі
21.09.2018
—
Разное
20 верасня ў адзіны дзень інфармавання насельніцтва Рэспублікі Беларусь інфармацыйна-прапагандысцкая група на чале з намеснікам старшыні райвыканкама Аляксандрам Бажыдаем наведалася да мясцовых сувязістаў. Сустрэча адбылася ў зале занальнага вузла электрасувязі. У ёй прынялі ўдзел і мясцовыя паштавікі.
Аб справах у жыллёва-камунальнай гаспадарцы, будаўніцтве, іншых сферах народнай гаспадаркі расказаў Аляксандр Рыгоравіч.
Начальнік занальнага цэнтра гігіены і эпідэміялогіі Марына Турэйка паведаміла аб выпадках шаленства дзікіх жывёл на тэрыторыі раёна, заражэнні людзей вірусам імунадэфіцыту чалавека, небяспецы падхапіць кляшча падчас паходу ў лес па грыбы, вакцынацыі супраць грыпу.
Прадстаўнік райаддзела па надзвычайных сітуацыях распавёў аб сітуацыі з пажарамі і гібеллю людзей на іх. А спецыяліст упраўлення сельскай гаспадаркі і харчавання Вольга Траскоўская - аб шкоднай расліне залатарнік, якую людзі па няведанні высаджваюць на сваіх прысядзібных і дачны ўчастках.
Юрый ЯНУШКЕВІЧ.
Фота аўтара.