Пад Мінскам таварны цягнік збіў мужчыну

На станцыі Калодзішчы пад Мінскам 4 верасня таварны цягнік збіў мужчыну. Падрабязнасці здарэння агенцтву БЕЛТА распавёў афіцыйны прадстаўнік МУС Аляксандр Марчанка.

Па яго словах, мясцовы жыхар сядзеў каля сігнальнага ліхтара. Да чыгуначнага пераезду набліжаўся цягнік Мінск-Орша. Машыніст заўважыў мужчыну, стаў сігналіць і тармазіць.

Мужчына падняўся і стаў паміж шляхамі. Аднак лакаматыў усё ж такі збіў яго. Мужчыну шпіталізавалі са спалучанай траўмай, адкрытай чэрапна-мазгавой траўмай, пераломамі, ударамі і ранамі. 

Ідзе праверка.

Ад пачатку года ў Беларусі зарэгістраваныя 76 такія выпадкі: 47 чалавек загінулі і 29 траўмаваныя.