На рабочага ў лесе ўпала падпіленае дрэва, ён загінуў

На рабочага ў лесе ўпала падпіленае дрэва. Здарэнне адбылося 28 жніўня ў Полацкім раёне. У лесе працавалі работнікі лясгасу. Ад удару каска вальшчыка лесу раскалолася на некалькі частак. Мужчына атрымаў цяжкія траўмы, ад якіх памёр, інфармуе "СБ. Беларусь сегодня" са спасылкай на Следчы камітэт.

Праваахоўнікі праводзяць праверку, высвятляюць усе абставіны трагічнага здарэння.