На сайце Карэліцкага раённага краязнаўчага музея — korelichi-museum.by — з’явіўся онлайн-тэст на веданне гісторыі нашай зямлі.
Наведвальнікам прапануецца адказаць на 10 пытанняў. Прычым, вам спатрэбяцца веды пра знакавыя падзеі і вядомых землякоў, уменне арыентавацца на карце Гродзенскай вобласці і складаць пазлы.
Пасля праходжання онлайн-тэста вы ўбачыце свае вынікі, а таксама зможаце паглядзець правільныя адказы і месцы, дзе памыліліся. Але мы ўпэўненыя ў тым, што вы пройдзеце выпрабаванне гісторыяй выдатна!
І некалькі парад.
Па-першае, зыходзячы з уласнага вопыту, лепш за ўсё онлайн-тэст праходзіць у браўзеры Google Chrome.
Па-другое, добра будзе, калі вы знойдзеце некалькі хвілін перад адказамі на пытанні, каб пачытаць нешта накшталт «ДОСЬЕ БелТА. К 620-летию городского поселка Кореличи».
Жадаем поспехаў!