Затрыманы з наркотыкамі

Сёлета жнівень выдаўся гарачым. Надвор’е спрыяла ўборцы збожжавых, працаўнікі стараліся на розных участках дзейнасці. А ў таго-сяго іншыя клопаты – пра асабістае абагачэнне, на жаль, часам незаконнымі метадамі.

Так, у першых чыслах жніўня было затрымана трое жыхароў Стоўбцаў, якія перавозілі ў аўтамабілі 940 грамаў макавай саломкі. Праз некалькі дзён затрымалі мужчыну, які захоўваў 0,60 грама марыхуаны. Ці варта тлумачыць, што гэта страшнае зелле, якое можа прывесці да непапраўных наступстваў. Узбуджаны крымінальныя справы, праводзіцца расследаванне.

Яўген КУРЫЛА,старшы оперупаўнаважаны РАУС