Изделия ушачских мастеров представлены на новой выставке в музее народной славы

Вырабы ўшацкіх майстроў прадстаўлены на новай выставе ў музеі народнай славы. Дыяпазон работ вельмі шырокі: тут можна ўбачыць кампазіцыі з саломкі і бісеру, габелены, вышыўку, жывапіс, разьбу па дрэве і многае іншае. У пераліку аўтараў побач з такімі прызнанымі майстрамі, як Ганна Бабянок, Дзям’ян Крупеня, сям’я Мурашовых, Наталля Гардзіёнак (на здымку), ёсць і новыя прозвішчы. Так, упершыню выставіў у музеі сваю работу – драўляны столік – разьбяр Юрый Пашковіч. Пазнаёміцца з экспанатамі выставы дэкаратыўна-прыкладнога мастацтва можна да канца жніўня.