Прыгожая веска паміж горадам і Белай Дубровай.
Жывуць тут працавітыя, адкрытыя і вяселыя людзі. У гэтым мы пераканаліся, калі ў рамках акцыі “Малая радзіма- эстафета карысных спраў” навучэнцы Беладубраўскай сярэдняй школы прыехалі ў гэтую веску з культурна-музыкальнай праграмай “Мая веска- мая малая радзіма”.
На падрыхтаванай і святочна ўпрыгожанай пляцоўцы каля ФАПа ў вызначаны час сабраліся мясцовыя жыхары. Педагог-арганізатар Кубракова Н.М., музычны кіраўнік Шчарбакова Л.Р. арганізавалі для іх сапраўднае свята. Прыгожыя песні, конкурсы, танцы і нават флэш-моб – дзве гадзіны вяселля, жартаў і добрага настрою. І старыя, і малыя з ахвотай прымалі ўдзел у гульнях і карагодах – паспрабуй тут утрымацца, калі музыка заве ў кола!
Дзівіліся людзі, якія праязджалі па шашы – што ж тут адбываецца?- прыпынялі машыны, цікавіліся.
Напрыканцы мерапрыемства, шчыльна ўсеўшыся на лаўках пад магутным дрэвам, навучэнцы, педагогі і мясцовыя жыхары спявалі песню “Малінаўка”. Сапраўды, як дораг нам край гэты бярозавы….
Гэта наша радзіма, гэта нашы песні, наша веска. А мы – яе будучыня!
І.Раманава,
намеснік дырэктара па ВВР
ДУА “Беладубраўская сярэдняя школа”.