На былым цагельным згарэў дах

8 жніўня ў 1 гадзіну ночы ў РАНС паступіла паведамленне, што па вуліцы Камунальнай гарыць закінуты будынак. Выратавальнікі па прыбыцці ўстанавілі, што дах поўнасцю ахоплены агнём.

Цагляны будынак на тэрыторыі былога ААТ “Петрыкаўскі цагельны завод” не эксплуатуецца. У выніку пажара агнём знішчаны дах па ўсёй плошчы, закураны сцены на другім паверсе. Пацярпелых няма. Прычына пажара ўстанаўліваецца. Разглядаецца версія – падпал.

Валянціна ЯХНО.