Паклічам свята

Прапановай Гомельскага аблвыканкама вызначана дата правядзення Міжнароднага фестывалю этнакультурных традыцый “Покліч Палесся”. Традыцыйнае свята запланавана сёлета на 25 жніўня.

Да гэтай даты распрацоўваецца сцэнарый урачыстага адкрыцця. Для ўдзелу ў фестывалі будуць запрошаны замежныя творчыя калектывы і кіраўнікі дыпламатычных місій, акрэдытаваныя ў Рэспубліцы Беларусь.

Удзел таксама прымуць аматарскія калектывы мастацкай самадзейнасці Палесся. Будуць арганізаваны стылізаваныя падворкі. Удзельнікам і гасцям прапанаваны шырокі асартымент харчовых і нехарчовых  тавараў.

Званне “Ганаровы Паляшук” атрымае адна з прапанаваных кандыдатур.

Анансаваць падрыхтоўку і правядзенне свята будуць тэлевізійныя каналы  нашай краіны. Ім таксама даручана падрыхтаваць сацыяльную рэкламу – дэманстрацыю відэароліка і прэзентацыйнага фільма пра фестываль “Покліч Палесся”. Фестываль, як заўсёды, плануюць правесці на высокім творчым узроўні.

І. АЛЯКСАНДРАВА.

Фота Н. ЧАРНЯЎСКАЙ.