Пасля невялікага перапынку на Нясвіжчыну ізноў вернецца спякота, пры чым асаблівых ападкаў не прагназуецца.
Сёння, 7 жніўня, паветра ўдзень прагрэецца не так моцна — да 24 °С, ноччу слупок тэрмометра пакажа +14…+17 °С. Паўночна-заходні вецер будзе дасягаць 3 — 5 метраў за секунду.
У сераду, 8 жніўня, чакаецца воблачнае з праясненнямі надвор’е, тэмпература ўдзень павысіцца да 25…27 градусаў вышэй за нуль, у начныя часы — +16…+19 °С. Дажджу не прагназуецца.
У чацвер, 9 жніўня, метэаролагі перадаюць жыхарам раёна яшчэ большую тэмпературу паветра — да +28 °С і яснае надвор’е на працягу дня, ноччу — да 20 градусаў са знакам “+”.
Пятніца, 10 жніўня, таксама абяцае быць сонечнай і цёплай: тыя ж +28 °С на слупку тэрмометра удзень, ноччу — +18…+20 °С.
Пра надвор’е на выхадныя чытайце ў нашых наступных паведамленнях.
“НН”.