У Мінску ратавалі хлопчыка, які зашчаміў галаву ў парэнчах на балконе

У Мінску ратавалі 5-гадовага хлопчыка, які зашчаміў галаву ў металічных парэнчах на балконе. Здарэнне адбылося ўдзень 25 ліпеня на вуліцы Народнай. Хлопчык выйшаў на балкон чацвёртага паверха і вырашыў паглядзець на вуліцу. Але галава захрасла паміж прутамі і ён яе не мог дастаць.

Ратавальнікі выкарысталі спецыяльны інструмент і вызвалілі дзіця. Хлопчык не пацярпеў, інфармуе прэс-служба МНС.