Ханявіцкія бліночкі

“Сёння ў нашай вёсцы свята!” – такімі словамі сустракалі гасцей у Ханявіцкім сельскім філіяле-клубе. І канешне, частавалі бліночкамі. Бо, менавіта яны, ханявіцкія блінцы, былі галоўнымі героямі свята. 

Вядома ж, усе госці свята ў першую чаргу адавалі належную павагу квашаным ханявіцкім блінам. А паласавацца і сапраўды было чым. Апетытныя бліны са смятанай, мёдам, варэннем, з макам і курагой, грыбамі і бульбай, з чарніцамі і парэчкамі, са шкваркамі і каўбасой – якіх толькі бліноў не нагатавалі руплівыя ханявіцкія гаспадыні. 

Прыгожым і вясёлым, з конкурсамі і гульнямі, забавамі і песнямі ў выкананнні артыстаў устаноў культуры Свіслацкага і Бераставіцкага раёна выдалася гэтае народнае свята.

Ігар БАЯРКІН.

Фота аўтара.