Асіповічы: хроніка здарэнняў
РАУС
На мінулым тыдні паступілі 3 паведамленні аб крадзяжах маёмасці і грошай з дамоў, 1 — будматэрыялаў са складскога памяшкання. Непрацуючая жыхарка Градзянкі 7 ліпеня збіла сужыцеля цаглінай; на наступны дзень жыхар Малой Гравы ўдарам нагі зламаў сужыцельцы рабро.
РАСК
4 чысла заведзена крымінальная справа ў дачыненні да асіпаўчаніна, які адбывае пакаранне ў папраўчай калоніі. Ён вырабіў падроблены бланк разліковых звестак налічэння заработнай платы.
63-гадовы несудзімы жыхар Свіслачы ў сакавіку скраў з дачнага дома ў гэтым аграгарадку будматэрыялы на суму 206 руб.
Двое жыхароў Цэлі на беразе ракі Свіслач выкралі 3 спінінгі ў мінчан.
ДАI
Папярэджана 69 парушэнняў ПДР. Пыцягнуты да адказнасці нецвярозы вадзіцель і 5, якія перавозілі дзяцей без выкарыстання ў аўтамабілі ўтрымліваючых прылад, 4 “бяспраўнікі”, 8 пешаходаў і веласіпедыстаў.
4 ліпеня ў 0.05 на 22 км аўтадарогі Асіповічы-Свіслач “Фальксваген” жыхара аг. Свіслач з’ехаў у кювет і перакуліўся — 21-гадовы пасажыр атрымаў цяжкія цялесныя па-шкоджанні. 5 ліпеня ў 16.35 32-гадовы асіпаўчанін на матацыкле “Хонда” паблізу вул. Магістральнай у райцэнтры пры абгоне сутыкнуўся з аўтамабілем “Форд”, які рухаўся ў спадарожным напрамку і паварочваў налева. У выніку ДТЗ матацыкліст цяжка траўмаваны. 6 ліпеня непрацуючы жыхар Буда-Кашалёва на “Опелі” стварыў аварыйную сітуацыю і сутыкнуўся з “Фіятам” пад кіраваннем мінчаніна. Пасажыры — жанчына і дзіця, якое перавозілася ў машыне без выкарыстання ўтрымліваючай прылады, — шпіталізаваны. Па фактах усіх ДТЗ узбуджаны крымінальныя справы.
Дэпартамент аховы
Да адміністрацыйнай адказнасці прыцягнуты 2 самагоншчыкі, 9 асоб, якія з’яўляліся ў грамадскіх месцах у нецвярозым выглядзе, 2 і 1 — што ўчынілі дробныя крадзяжы і хуліганства, 4 — за іншыя правапарушэнні.
РАНС
8 чысла агнём пашкоджана лазня ў САТ “Меліяратар”. 76-гадовы мужчына, які спрабаваў самастойна патушыць пажар, шпіталізаваны з апёкам.
IАЖіРС
Складзены адміністрацыйны пратакол за парушэнне правілаў рыбалоўства, 4 — лесакарыстання.