У Мінску затрымалі мужчыну, які падпаліў тры машыны і раскідаў курыныя тушкі

У Мінску затрымалі мужчыну, які ўначы 7 ліпеня на вуліцы Амельянюка падпаліў тры аўтамабілі і раскідаў каля іх курыныя тушкі, свіныя вушы, языкі, доларавыя купюры і разліў чырвоную фарбу. Як інфармуе прэс-служба мінскай міліцыі, мужчыне 38 гадоў, ён нідзе не працуе. Матывы яго ўчынку высвятляюцца. Раней мінчук да крымінальнай адказнасці не прыцягваўся. Яму пагражае пазбаўленне волі на тэрмін ад 7 да 12 гадоў.

Крымінальная справа распачатая па артыкуле "Наўмыснае знішчэнне ці пашкоджанне маёмасці".