У Жодзішках прайшоў мітынг
02.07.2018
—
Разное
2 ліпеня, напярэдадні Дня вызвалення Беларусі ад нямецка-фашысцкіх захопнікаў, у аграгарадку Жодзішкі прайшоў урачысты мітынг каля помніка землякам, якія загінулі падчас Вялікай Айчыннай вайны.
У мерапрыемстве прынялі ўдзел кіраўнікі гаспадаркі і мясцовага сельвыканкама, работнікі абласной псіхбальніцы, настаўнікі і вучні, іншыя жыхары Жодзішак. Яны ўшанавалі памяць загінуўшых хвілінай маўчання. Старшыня Жодзішкаўскага сельвыканкама Святлана Кучарава ў сваім выступленні ўзгадала часы ваеннага ліхалецця, ветэранаў, дзякуючы якім мы жывём пад мірным небам.
Закончылася ўрачыстае мерапрыемства ўскладаннем вянкоў і кветак да падножжа помніка.
Юрый ЯНУШКЕВІЧ.
Фота аўтара.