У Смаргоні прайшла акцыя “У дарогу з вышыванкай”
02.07.2018
—
Разное
Напярэдадні Дня Незалежнасці ў Беларусі праходзіць агульнарэспубліканская акцыя – Дзень вышыванкі. Яна накіравана на папулярызацыю нацыянальных традыцый, пашырэння духоўнай свядомасці беларусаў, а таксама з’яўляецца своеасаблівай повяззю пакаленняў.
Гэта акцыя праходзіць і ў Смаргоні. Так, спецыялісты аддзела па рабоце з моладдзю райвыканкама і раённай арганізацыі грамадскага аб’яднання “Беларускі рэспубліканскі саюз моладзі” правялі сумесна з супрацоўнікамі ДАІ райаддзела міліцыі акцыю “У дарогу з вышыванкай”. Інспектары дарожна-патрульнай службы спынялі аўтамабілі, а дзяўчаты ўручалі вадзіцелям банцікі з беларускім нацыянальным арнаментам і праграму святкавання Дня Незалежнасці ў нашым горадзе.
Юрый ЯНУШКЕВІЧ
Фота аўтара.