Ваенны аркестр пінскіх пагранічнікаў стаў пераможцам конкурсу
30.06.2018
—
Разное
>
Пінчукі сталі пераможцамі рэспубліканскага агляду-конкурсу ваенных аркестраў органаў пагранічнай службы Рэспублікі Беларусь.
Пачынаючы з 2003 года кожныя два гады ваенныя аркестры з усёй краіны збіраюцца, каб прадэманстраваць сваё майстэрства. У гэтым годзе месцам сустрэчы быў абраны горад Смаргонь, які сёлета святкуе сваю 515-ю гадавіну. Да спаборніцтва ў Пінскім пагранатрадзе рыхтаваліся даўно і пільна. Адказна падышлі не толькі да выканання кампазіцый, але і да падбору рэпертуару. Тут лічаць, што, нягледзячы на тое што аркестр ваенны, яго рэпертуар павінен быць разнастайным.
З цікавасцю слухаць пінскіх пагранічнікаў могуць прадстаўнікі любога пакалення, бо музыкі выконваюць вядомыя страявыя, народныя і нават сучасныя маладзёжныя кампазіцыі. І вынікам гэтай працы сталі два дыпломы за першае месца і кубак. Зараз у аркестры пятнаццаць чалавек, і кожны з іх унёс сваю лепту ў гэтую перамогу. Дарэчы, другі дыплом атрымаў Аляксей ШАЛАМІЦКІ у намінацыі «Лепшы музыкант-інструменталіст» за выкананне кампазіцыі «Свой сярод чужых».
На здымку Аляксей ШАЛАМІЦКІ
Ірына ДЗЕНІСОВІЧ
Фота аўтара
Пінчукі сталі пераможцамі рэспубліканскага агляду-конкурсу ваенных аркестраў органаў пагранічнай службы Рэспублікі Беларусь.
Пачынаючы з 2003 года кожныя два гады ваенныя аркестры з усёй краіны збіраюцца, каб прадэманстраваць сваё майстэрства. У гэтым годзе месцам сустрэчы быў абраны горад Смаргонь, які сёлета святкуе сваю 515-ю гадавіну. Да спаборніцтва ў Пінскім пагранатрадзе рыхтаваліся даўно і пільна. Адказна падышлі не толькі да выканання кампазіцый, але і да падбору рэпертуару. Тут лічаць, што, нягледзячы на тое што аркестр ваенны, яго рэпертуар павінен быць разнастайным.
З цікавасцю слухаць пінскіх пагранічнікаў могуць прадстаўнікі любога пакалення, бо музыкі выконваюць вядомыя страявыя, народныя і нават сучасныя маладзёжныя кампазіцыі. І вынікам гэтай працы сталі два дыпломы за першае месца і кубак. Зараз у аркестры пятнаццаць чалавек, і кожны з іх унёс сваю лепту ў гэтую перамогу. Дарэчы, другі дыплом атрымаў Аляксей ШАЛАМІЦКІ у намінацыі «Лепшы музыкант-інструменталіст» за выкананне кампазіцыі «Свой сярод чужых».
На здымку Аляксей ШАЛАМІЦКІ
Ірына ДЗЕНІСОВІЧ
Фота аўтара