У Бабруйску дзяўчынка спускалася з балкона трэцяга паверха (фота)

У Бабруйску 7-гадовая дзяўчынка спускалася з балкона трэцяга паверха. Здарэнне адбылося каля 9-й гадзіны раніцы 29 чэрвеня. Як інфармуе прэс-служба МНС, ратавальнікам стала вядома пра дзіця, якое знаходзіцца на адліве балкона, трымаецца рукамі за верхні выступ. Супрацоўнікі МНС знялі адтуль дзяўчынку пры дапамозе лесвіцы.

Высветлілася, што дзіця спала ў кватэры на трэцім паверсе. Калі яно прачнулася, бабулі дома не было — яна гуляла з сабакам на вуліцы. Дзяўчынка вырашыла туды спусціцца з балкона. На шчасце, усё скончылася добра і яна не пацярпела.