У Петрыкаве прайшлі спаборніцтвы санітарных дружын

На базе раённай бальніцы адбыліся раённыя спаборніцтвы фарміраванняў грамадзянскай абароны. У іх прынялі ўдзел санітарныя дружыны лясгасу, вузла паштовай сувязі і камунгасу. Удзельнікі дэманстравалі навыкі аказання першай медыцынскай дапамогі, уменне карыстацца сродкамі індывідуальнай абароны, дзеянні ў ачагах хімічнага і радыяцыйнага заражэння і ліквідацыі пажару.

Трэба сказаць, што каманды добра паказалі сябе на гэтых спаборніцтвах. Першае месца заняла каманда лясгасу, другімі былі камунальнікі, трэцімі – паштавікі. Яны адзначаны граматамі і прызамі.

Валянціна ЯХНО.

Фота РАНС.